Veer höbbe genaote van ein geweldig vastelaovessezoen❤💛💚Proos allemaol🍻🎉

Vastelaovendj is mien laeve

Geis doe ouch gaer weekendjes weg, dök en lang op vekansie? Behalve mit vastelaovendj? Dan is dit leedje mesjien get veur dich.

Want mit vastelaovendj geis se gewuuen lekker mit dien vrunj drie daag draan. Drie daag óngebeijdj drinke, klaatse, zoepe, smere, lebbere, kloeke mit dien (vastelaoves)- vrunj. Mit zien alle, toet veer…..

iTunes

Limburg bedank !!

Teks: Marijke Gijsen/Mark van Mullekom/Ron Roemen
Meziek: Mark van Mullekom/Ron Roemen

Intro

Stèl dien weegske stóng in Sneek, of in de Jordaan
Dan zóngs doe In Nije Dei, of van Tante Sjaan
Skûtsjesilen, fierljeppen, fietsevèssen inne grach
Mer wie sjoean ’t dao ouch is, ein dink misse ze dao nag
Ich dank Oze Leven Hieër oppe bloeate kneen
Det ich hie gebaore bön en noe viere kin

Refrein:
Ich bön eine vastelaovesgek
Bön neet wied van hoes, mer ‘nne tied neet thoes
Ich bön eine vastelaovesgek
Löp dae wèkker aaf, wuuerdj neet gesnoez
Drie daag te laat nao heim
Drie daag ’t vaat te klein
Drie daag op paad mitein
Vastelaovesgekken óngerein

Solo

Mer mien weegske det stóng hie, bön zoea Limburg es mer kintj
Ich vastelaovenj toet de nach ‘t weer van d’n aovendj wintj
Es de res aan ’t kösse ruuk zeen veer Limburgers nag fit
Leedjes mit ‘n zaachte G die nachtegaal veer mit
Ich dank Oze Leven Hieër oppe bloeate kneen
Det ich hie gebaore bön en noe viere kin

Refrein

Gebaoren hie? Getaogen hie?
Dan höbs doe nieks gemis
Vastelaovendj is ’t sjoonste
’t Leukste, tofste, fijnste, coolste, mafste, gaafste, fraaiste, gekste, bèste, vètste, sjiekste, manjefiekste waat d’r is

Jalalalalalala

Refrein

Drie daag te laat nao heim
Drie daag ’t vaat te klein
Drie daag op paad mitein
Vastelaovesgekken óngerein
Vastelaovesplekkers ein veur ein
‘t Roead gael brónsgreun eikehout hèltj ós biejein

Bös doe eine vastelaovesgek?
Dan is dit vas en zeker get veur dich!

Vanaaf noe te koup via oos sait en in versjillendje winkels door gans Limburg:
Stickers veur oppe auto, oppe raam, op dien instrement, oppe ieskas, of egaal wo se ‘m wils plekke.