Skip to main content

Van baove nao ónger (2009)

 


1. Laot ós genete
2. Van baove nao ónger
3. Döp döp
4. Walsmedley
5. Knaokehel op det vel
6. Laot mer gaon
7. Limburg allein
8. Kal 'ns mit 'n eiketske
9. Marie José
10. Drök, drök, drök
11. Sjalalala (La Bamba fietjering Bonanza)
12. 't Verkske
13. Sjoenkelmedley
14. Buuttemars new style

Laot ós genete

Limburgse teks: Ron Roemen

Aad Hollans leedje det tekstueel ’n iteljaans tintje haet gekrege.
Gesjreve, ónger ‘t genot van ‘nne lekkere Paulaner (Weizenbier!!!!... jammie jammie, haopelik is ’t neet ane teks te mèrke) op ’t strandj in Limone sur Garda.
Ich woor al jaore op zeuk nao de juuste teks bie deze aje kraker. Ich haw allein Laot ós genete al inne laaj ligke mer wis neet wovan ich mós gaon genete??!!!
Mit dank aan Anju (kós het ouch nieks aan doon baoahahahaha!!!) kwaam ich hie-op oet. Thanx baby ... Ai löf U2 ... xxx



Intro

Refrein:
Laot ós genete, laot ós genete
Laot ós genete van deze sjoeane daag
Laot ós genete, laot ós genete
Laot ós genete, vandaag wuuerd neet geklaag

De zón sjientj, ’t is prachtig waer, gèn wölkske ane lóch
’n strandj vol bella donna’s, mer aan dich höb ich genóg
Veer zóchte nao ‘t groeat gelök en vónjen ’t biejein
Veer zeen ós zeker allebei: Nieks krieg ós mieër oetein

Refrein

Veer slent’re door ’t dörpke en doe zaes: Doe bös zoea leef
Nao al daen tied zeen veer opein nag herstikke verleef
Dao reup ‘ne casanova; Ciao Bella, de aandach is veur dich
Veer lachen en veer weiten ‘t: Doe bös ’t gans veur mich

Refrein 2x

Van baove nao ónger

Teks & meziek: Ron Roemen

’n gekker polonais es dees is d’r nao alle waarsjienlikheid noeatj nörges gewaes.
Veer zègke taenge de vastelaovesvereniginge, de raod van èlleve, de karnevalsverenginge, de bachusklubs en alles en ederein dae zich mitte vastelaovendj wiltj amezere en ‘ns ’n anger polonais wiltj loupe es van veur nao achter dore zaal:
Van baove nao ónger op zitte, de radio knaoke -en knaokehel zitte en heim (of baeter nag bie unne vraemdje).
OETPREBERE!!!!!!!!!!!!!!!



Intro

Nao hieël get polonaises sjoenkel ich mich weer nao hoes
Kom ich den zingentaere, vol goje mood weer thoes
Maak ich mich get te aete, ’n paar bruuedjes frikkedel
Wil ich den net nao bèd gaon, geit mich dao inins de bel
‘t-is de raod mit de prins in vol ornaat
Veur de lèste polonais is ’t toch noeatj te laat

Refrein:
Veer gaon van baove nao ónger
Veer gaon van links nao rechs
De kamer door, de gank op en nao boeten oppe straot
Den achter weer nao binne mit de ganse raod
Veer gaon van baove nao ónger
Veer gaon van links nao rechs
Euver ‘t bèd, ‘t balkon op, langs de kaanjel weer ómlieëg
Dit is ‘n polonais die is nag nörges gewaes

De keuke in, de berging door, ’n rundje dore saer
De prins dae zuus se dinke: Wo mót ich noe weer haer?
Opins haet d’r gelök versjientj ’n bördje veur zien naas
Nao rechs en den nao èllef maeter dreijen op ’t graas
Dore graasj, ach mien was, pak drek de boch
Anges wuuerd dees polonais nag ‘nne spoeaketoch

Refrein

Ich veul get geks op miene sjouwer, ‘ch-dach toch ich leep achteraan
Mer kiek ich achteróm, kiek mich de hóndj inne ouge aan

Refrein
Euver ‘t bèd, ‘t balkon op, langs de kaanjel weer ómlieëg
Dit is ‘n polonais die is nag nörges gewaes

Döp Döp

Limburgse teks: Ron Roemen

Es geer ’n fervent aanhanger zeentj van ’t darte den kintj geer dit leedje ongetwiefeltj drek mitblaere.
De nuje hit van 2009-2010???????????

 

Döp döp .....

’t guuef dök van die leedjes, d’-kries doe neet oet de kop
Dao van is dit ’t sjoonste, steit einzaam ane top
’t geit van döp-dö-döp-döp, strak zink ‘t ederein
Kóm op noe mit zien alle, laot huueren ’t refrein

Döp döp .....

Gaef alles waat g’r dao höb, geer witj noe wie ’t mót
Al höb geer morgevreug den, de stumbenj ram kepot
En krieg geer döp-dö-döp-döp, den gaaroet neet mieër droet
Zit flot den dees ceedee op, den klink ’t dore boet
Döp döp .....

Knaokehel op det vel

Teks & meziek: Ron Roemen

LVK-leedje veur 2009
Es se gein noeate kins laeze en wils toch gaer bie ’n joekskepel of zate hermenie den kins se ’t beste gaon trómmele
(want die spele zónger pertie).
Mesjien get (té) oneerbiedig gezag ten opzichte van de trómmelieërs ónger ós, mer ’t is vastelaovendj en den moog se (mós se!!) es leedjessjriever dien fantezie riekelek laote gaon.


Huuer ich se kómme, de zate hermenie
Den dink ich ummer: Waat woor ich dao gaer bie
Mer ich kin nieks van do re mi, ich-kin nieks van sol la si
Doe dach ich: Hey, ’n tróm, die speeltj zónger pertie

Knaokehel op det vel

Ich rendje nao de winkel: Höb geer veur mich ’n tróm?
Egaal wie ze d’roet zuut, ich hang ze mich waal óm
Es se mer taenge get confetti en ‘n stuuetje kintj
En taenge kaaj en raenge want ze mót door waer en windj
Ich haw, ich foets, ich vaeg, ich zwaatsj, ich ram noe op die tróm
Want ich bön neet gebaore veur ’n fluit of ‘n trómbón

Refrein:
Knaokehel op det vel
Noe haw mer op die tróm
Knaokehel op det vel
De spas, dao geit ’t óm
Knaokehel op det vel
Noe haw mer op die tróm
Egaal wie väöl stekker ’t kós
Veer hawwe drop lós, veer hawwe drop lós
Egaal wie väöl stekker ’t kós
Veer hawwe d’rop lós

Knaokehel op det vel

Ich trèk mit mien hermenieke noe drie daag euver straot
Zoea aaf en toe den haw ich nag duchtig oet de maot
Mer ’t-hoof ouch neet perfek te zeen, ’t geit óm ‘t kebaal
Es ’t mer knaokehel is want de res det is egaal
Ich haw, ich foets, ich vaeg, ich zwaatsj, ich ram noe op die tróm
Want ich bön neet gebaore veur ’n fluit of ‘n trómbón

Refrein

Refrein
Veer hawwe d’rop lós

Download ringtone: Knaokehel op det vel

Laot mer gaon

Teks: Ron Roemen
Meziek: Wim Roeffen


LVK-leedje veur 2007
Dit leedje speelt in op oos Limburgs geveul en geit euver Limburgers die boete Limburg wone mer die waal eder jaor weer trök kómme óm hie vastelaovendj te viere.
Eimaol ‘nne Limburger altied ‘nne Limburger. Egaal wo oppe waereld des se woons.
Laot mer gaon haet ’t toet de halve finale gesjaf. Daonao woor ’t helaas einde oefening veur ós
.



Intro: lalalalalalala

Ze wone soms al jaore boete Limburg
Bepreuven örges anges häör gelök
Mer Limburgers die haje van tradisie
Mit vastelaovendj kómme ze terrök

Refrein:
Laot mer gaon, veer viere vastelaovendj
Drie daag lang, zeen veer vanne pertie
Laot mer gaon, van smorges toet de aovendj
Blief neet staon, mer kóm d’r lekker bie
Laot mer gaon, veer viere vastelaovendj
Drie daag lang, zeen veer vanne pertie
Laot mer gaon, van smorges toet de aovendj
Blief neet staon, mer kóm d’r lekker bie

Tössespel: lalalalalala

Bourgondies laeve doon veer in dit lendje
Des waat hie bie de miense eimaol huuert
Egaal wo oppe waereld det v’r wone
Oos hert blief altied roead gael greun gekluuert

Refrein

Tössespel: lalalalalala

Veur altied blieve zie mit ós verbonje
Ze misse toch de lös, de klei, de zandj
Al höbbe ze ‘t gelök dao noe gevonje
Aan Limburg höbbe zie häör hert verpandj

Refrein
Blief neet staon, mer kóm d’r lekker bie


Kal 'ns mit 'n eiketske

Teks & meziek: Ron Roemen

Es pilkes, dokters, psiegologe, terapeute, anger deersaorte en alles waat dich baeter kintj/mèntj/haop te make es se dich neet zoea lekker veuls (oftewaal ’t tösse de oeare neet altied lekker zitj zoeawie bie mich, Ron red.) neet mieër baatj den kal mer ‘ns mit ’n eiketske.
Oppe Deelgaard (Annedaal) en in Mofert (oppe Opeluch) zeen d’r genóg te vinje.
Kiek waal ieës effe óm uch haer veur det g’r begintj te kalle. Veur se ’t wits steis se inne vastelaovesgezèt...
Mien leef zusje (nag bedank Wend) zaet: "Es se al mit eiketskes begins te kalle den wuuerd ’t éch tied des se ‘ns nao de dokter geis", mer dao bön ich ’t nao hieël get ervaringe netuurlik neet mit ins...
Trouwes wie mieër se de luuj lieërs kinne wie mieër se van ......
Zoea is ’t mer net.




Nanananana

Veuls doe dich neet lekker, veuls doe dich neet good?
Kal ‘ns mit ‘n eiketske, det guuef dich mood
Dae zuutj alles anges, dae maak zich neet drök
Haet nieks ane kop, nae dae zink aan ein stök
Bös doe dien verhaol kwiet, veuls doe dich te gek
Noe loester, zoea geit zó’n gesprek

Nanananana

Kums noeatj veur ’n toe deur, kins van hem opaan
Hae loestert en knik ‘ns, huuert zich alles aan
Dien ganse verhaol det kins doe aan ‘m kwiet
Hae kiek dich zoea aan van ‘ch-höb toch alle tied
H’-v’rtèltj ’t aan nemes in dae groeate bós
En zaet: Jóng, dit blief ónger ós

Nanananana


Marie José

Limburgse teks: Ron Roemen

’t lekkerste maedje vanne klas hóng vreuger bie mich baove de kompjoeter (Commodore 64, waat ‘nne scheissbak)

 

Refrein:
Waem is toch det maedje wo ich daag en nach aan dink? - Marie José –
En wo van ’n foto baove de kompjoeter hink? - Marie José –
Höbs mien hert gestaole, doe bös miene hertedeef - Marie José –
Ich bön op dich herstikke verleef, herstikke verleef, herstikke verleef
Ich bön op dich herstikke verleef - Marie José –

Vanaaf ich dich kin sjat, kintj mien gelök neet op
Ich blief aan dich dinke, ‘ch-krieg dich neet oet de kop
‘ch-kin dich neet mieër misse, doe bös ’t gans veur mich
En ich zeen in dien ouge, ich bön ’t ouch veur dich…… Want

Refrein

De luuj zuus se dinke: Die huueren ech biejein
Want zeen veer weer same, den höbbe veer ’t fijn
En es doe d’r neet bös, den bön ich van mien stök
Ich blief den ummer dinke: Wienieë kump ’t noe trök?…… Want

Refrein
Marie José
Marie José

Sjalalala

Limburgse teks: Ron Roemen

Op dit swingende leedje waere veer geholpe door de jónges van Bonanza (mesjien kintj geer die waal) om ’t aan ’t swinge te kreige. Zie bespele o.a. de djembé's, de bongo’s en versjillende anger trumkes.
't leedje is in Nederlandj bekintj gewaore door Wolter Kroes, mer veer make 't inne orsjineel oetveuring vanne Braziliaanse zangeres Ivete Sangalo.
Vergaet waal neet ’t dansje d’rbie te doon: hendjes inne lóch, van links nao rechs en drie kieër duje ...



Leve sjat, ich veul mich good
Ich höb eindelek door dich weer goje mood
’t-laeve kin, ich weer aan
Ich kin weer mit frisse mood d’r taengenaan

‘ch-veul mich te gek, ‘ch-veul mich perfek, ‘t-is of ich zweef
‘ch-woor ‘nne tied, ech alles kwiet, mer weer verleef
Waem haw det gedach, det ich weer ‘ns lach, ich zeker neet
‘ch-kin alles weer aan, ‘ch-gaon d’r taengenaan en ich geneet

Sjalalala

Leve sjat, noe kiek nao mich
‘ch-zing en dans en det kump allemaol door dich
Lachend gaon, ‘ch-door ’t laeve
Doe verrieks mich door óneindig väöl te gaeve

‘ch-veul mich te gek, ‘ch-veul mich perfek, ‘t-is of ich zweef
‘ch-woor ‘nne tied, ech alles kwiet, mer weer verleef
Waem haw det gedach, det ich weer ‘ns lach, ich zeker neet
‘ch-kin alles weer aan, ‘ch-gaon d’r taengenaan en ich geneet

Sjalalala

't Verkske

Teks: Ron Roemen
Meziek: Wim Roeffen

LVK-leedje veur 2007
Dit leedje geit netuurlik neet letterlik euver det bieëske op veer puuet, mer geit dreuver det de vastelaovendj es d’r eimaol begintj ómvluug.
Waat zeen noe drie daag fieëste, neet?
Dus zègke veer in dit leedje: Drie daag fieëste, det stèltj toch gaar nieks veur, oftewaal: Veer gaon det verkske waal ´ns efkes wasse.


Refrein:
Veer gaon det verkske waal ‘ns efkes wasse
Drie daag, mit ‘nne lach
Veer gaon det verkske waal ‘ns efkes wasse
Drie daag, toet inne nach
Verruul dae slieps mer veur ‘ne bóntje jas
‘t maak nieks oet es dae dich ouch neet pas
Veer gaon det verkske waal ‘ns efkes wasse
Drie daag, den zit ‘t drop

Veer foesjen ós get aan
Es kloon of indiaan
Mit alles drop en draan
De meuge kastelein
Geit noe wie ‘nne trein
Hae rentj veur eederein
Den löp dao drie daag lang de tap
“Wo blief det beer?”, det klink den ómme haverklap

Refrein

Normaal ‘n zeute prie
Mer noe is oos Merie
D’r ed’re daag weer bie
Die vanne kaaje kak
Sjiek kleid en hoeage hak
Hink ed’rein ómme nak
De polonais hèltj neet mieër op
Geer witj dae veur löp, löp veurop
Refrein

Refrein - lèste regel 2x -



Cookies
Voor het optimaal functioneren van deze website worden cookies op uw computer geplaatst. Daarbij worden geen persoonlijke gegevens opgeslagen. Door op ‘Akkoord’ te klikken, accepteert u het plaatsen van cookies. Als u cookies weigert, kunt u de website gewoon blijven gebruiken maar dan werken de website of onderdelen daarvan mogelijk niet optimaal.