Skip to main content



logo labamba transp800x242

Media

La Bamba - Vastelaovendj in de zomer? - Videoclip 2013

Zomerleedje La Bamba

In 't leedje "Vastelaovendj inne zomer?" vraoge veer ós aaf of v'r de vastelaovendj neet baeter nao de zomer kinne versjuve. Mer det guuef eine houp probleme!! Want... waat doon veer dan mit de Kers, Sinterklaos enne Paose? Ouch inne zomer? De vraog is dus: "Versjuve of toch mer laote zoea wie 't noe is?" 't Antjwaord van La Bamba witj geer nao 't beloestere van dit leedje.

 

Oos zomerleedje “Vastelaovendj inne zomer?” is hie te downloade »

Vastelaovendj inne zomer?     

Teks: Ron Roemen  meziek: Huub Lemmens

Lalalala

Refrein:
Vastelaovendj inne zomer?
Det is de vraog mer luuj waat doon v’r?
Mit de zwumbóks inne polonais
Is hie nag noeatj gewaes
Vastelaovendj inne zomer?
Det is de vraog mer luuj waat doon v’r?
Alle vroulje höbbe rökskes aan
Dus waem löp weer drachteraan?

‘n Gräödje of dertig d’n optoch vertrèk
Is det normaal?
De zón ane hemel sjientj det ‘t verrèk
Ein dink is waal
‘t Glaeske beer versjaaldj get gaw
Mer ach det drinke veer ouch law

Refrein

Lalalala

De Kersmis en Paose verhoeze die mit? 
Is det te doon?
Dae viefdje december, waem witj wie det zit?
Zit’ v’r de sjoon?
Wuuerdj det neet eine óngerein?
Drie daag versjuuf se neet allein

Refrein

Mer strakkes is ‘t Kersmis zit de paoshaas op ’t daak
Löp Sinterklaos de polonais, ach dan höb’ v’r get gemaak

Vastelaovendj inne zomer?
Det is de vraog mer luuj waat doon v’r?
‘nne Hieëring oppe barbecue
Neet gek, mer smaak det noe?
Vastelaovendj inne zomer?
Det is de vraog mer luuj waat doon v’r?
Inne wintjer is ’t wie ’t is 
Mer ouch dao is nieks mit mis 
Dus laot wie ’t is!

Cookies
Voor het optimaal functioneren van deze website worden cookies op uw computer geplaatst. Daarbij worden geen persoonlijke gegevens opgeslagen. Door op ‘Akkoord’ te klikken, accepteert u het plaatsen van cookies. Als u cookies weigert, kunt u de website gewoon blijven gebruiken maar dan werken de website of onderdelen daarvan mogelijk niet optimaal.