FACEBOOK

header vastelaovend 2015

De rodelbaan

Teks & meziek: Jo Deusings/Koos Snijders
Teksbewèrking: Ron Roemen

 

Opgepas! Ich sjäör door 'nne boch
Razendsnel, ich zit noe oppe toch
't Vruus mer gluif 't mich ich zweit
Es geer 'ns wis wie hel dit geit
Jesus-Maria, 'n lèste sjeetgebed
Ich vleeg hie wie ein kruusraket

Refrein:
Maak plaats gaef mich vrie baan
Hie oppe rodelbaan
Volle poele! Bliksemsnel!
Ach miense dit geit hel
Maak plaats gaef mich vrie baan
Hie oppe rodelbaan
De kick wo ich nao zóch
't Kintj neet hel genóg

Op die rem, nao links dan rech door zieë
Gaas! Ich sjees langs 'nne boebel snieë
't Heilig vuur brantj op mien wang
Want deze jóng is neet te bang
Ich bön aan mien rodelbaan verknoch
Bukke! Dao kump de lèste boch!

Refrein

Maak plaats gaef mich vrie baan
Hie oppe rodelbaan
De kick wo ich nao zóch
't Kintj neet hel genóg
De kick wo ich nao zóch
't Kintj neet hel genóg