FACEBOOK

header vastelaovend 2015

D’r braotwoosjkeuning

Teks: Ron Roemen
Muziek: Ron Roemen / Johnny Blenco

’nne pruus woontj in Hollandj mer kintj neet aone zien braotwós en geit edere daag de päöl euver óm toch zien wusjke te kriege. Make veer in dit leedje de pruuse belachelik??????
Waat dink geer waal neet van ós, veer zówwe neet dörve…………………


Intro
– Heinrich, eine meter braotwoosj bitte -

Die Meisterschaften Braotwoosj essen waren bij ons in die stad
Ich übte al feel Jahren und war die Braotwoosj aevel noch neet zat
Gewinner von die wedstrijd das war ish al lange veur dem Start
Und noe bin ish der kampioen hab’ lang dadrop jewart

Refrein:
Ish bön der Braotwoosjkeuning, aet Braotwoosj al mien laeve lang
Ze numme mich ’t Wusjke, un rope “du bös neet good sjang”
Elke Tag mèt dem Fahrrad fiets ish weer in die Heimat trök
’t kräömpke op daen Eck bewaart altijd nog ein stök

Die eerste prijs war kein Pokal, nee nee dat war doch sonnenklar
Ein hele meter Braotwoosj elke daag und lang ein ganzes Jahr
Der nächste Tag toen ish weer kwam da hab ish tegen hem gesag
Hüër alter Kerl doe glaubst ’t neet ish kom noe zweimaol daags

Refrein

Refrein

Slot
– Heinrich nog eine Meter für aan die andere kant vanne päöl -

De joeboks

Teks: Ron Roemen
Meziek: Ron Roemen / Johnny Blenco

De joeboks mót trök in eder kefee.
Bie de leedjes van vreuger huuert ’t gekraak vanne naoldj vanne platespeler.
Aaf en toe ‘ns ’n plaetje waat euversluit, des toch nostalgie.
Trök mit die gooj aaj joeboks.

Intro

Verlangk geer ouch zoeë trök nao dae tied
van sex, drugs en rock ’n roll
De tied van minirökskes
Bill Haley det woor dien idool
Inne haor ‘ne kloddel vèt
Trök inne tied kom mèt os mèt
’t book van popmeziek geit toe
rock en roll begintj noe

’t is ’t pronkstök van de kastelein
de trots van eeder gooj kefee
de deejay dae neet taengesprik
‘t orkes det werklik alles kintj
de lempkes en dae sjoeëne klank
‘ne stuver en hae speeltj oet dank
Haet alles in zien repertwaar
Hae kump terök al klink det raar

Refrein:
Det is de joeboks jao jao die kump d’r weer
Die gooj aaj joeboks de glorie van weleer
Dae klank is zoeë karaktristiek
Det hüërt toch ech biej dae meziek
De joeboks die kump d’r weer

’t hüërt ech thoes in idder zaak
pianosolo’s mèt gekraak
’t plaetje det ’t weer neet duit
’t leedje det weer euversluit
det numme veer noe nostalgiej
is det neet get oet vreuger tiej
gesjiedenis herhaolt zich weer
dao kump ’t toch mer weer op neer

Refrein

Saxsolo

Refrein 2x

Ooze rodelbaan

Teks & meziek: Jo Deusings / Koos Snijders

Leedje oet ’t après-ski repertwaar: Instappe en ..... jodele…. Ich bedoel…….rodele

Omdet Ron deze teks same mit ‘nne angere tekssjriever haet gemaak, kinne veer deze teks vanwaege Bumarechte neet publicere, veer kinne ‘m waal persuuenlik per i-meel sjtuure.

Zaat van gelök

Teks & meziek: Ron Roemen

Veer speelde op ’n broelof in Neel enne pap vanne broed woor al hieël erg vreug érreg zaat, hieël erreg zaat.
Ron zag taenge Harrold: dae is zaat, mer neet van ’t beer, dae is zaat van gelök.
De volgende daag woor ’t leedje klaor.


Intro

Veer woore ein paar ein gelökkig paar waat is d’r fout gegange
Bön ich te dök jao väöl te dök inne café blieve hange
Veer laefde langsein en neet mitein zoeë raakde veer os kwiet
Kos dich neet vergaete mich smaakde gein aete mer det is verleeje tied

Refrein:
Ich bön zaat van gelök wie ’n klein kindj zoeë bliej
Doe bös weer van mich ich höb dich weer aan mien ziej
Woor bao verzaope in ’t verdreet
Zonger dich laeve kos ich neet
Mer noe höb ich dich weer trök
En bön ich zaat herstikke zaat van gelök

Woor ’t ’t geldj gewüën te min geldj des doe mich bös gaon loupe
Mer miene sjat leeve sjat leefde die kinse neet koupe
How hieël väöl vrunj väöl te väöl vrunj good en toch verkieërd
Veer starte opnuuj hieëlemaol opnuuj ich haop ich höb gelieërd

Solo = 1e helft Refrein
Woor bao verzaope in ’t verdreet
Zonger dich laeve kos ich neet
Mer noe höb ich dich weer trök
En bön ich zaat herstikke zaat van gelök
Mer noe höb ich dich weer trök
En bön ich zaat herstikke zaat van gelök

Bön ich nieks veur dich

Teks & meziek: Ron Roemen

Herstikke verleef op ’n prachtig maedje…… mer de jóng krieg gein antjwaord.
’t Wuuerd waal langsaam tied want anges kintj hae neet wiejer óm d’r eventueel get van te make mit emes anges.

Intro

’t is neet te besjrieve waat ich veur dich veul
Kin bienao neet mieër slaope ich höb zo’n raar geveul
Kin mich neet concentrere daag en nach bön ich biej dich
Ich wil noe waal ‘ns weite waat vins doe noe van mich

Refrein:
Leeve sjat kiek uns nao mich
Bön ich neet veur dich
’t witte paerd mit diene prins
Daes doe dich höbs gewins
Ich bring de zon weer in dien laeve
Bön ’t veur dich en doe veur mich
Ich zoe dich zoväöl wille gaeve
Bön ich nieks veur dich

Solo

Doe zots ’t neet geluive veer hüëre biejein
Ich blief nag altied haope mien draume zeen zoeë fijn
’n maedje veur mien laeve zeuk ich noe al jaore lank
Veur lekker mèt te vrieje of biej mich oppe bank

Refrein

Bridge:
Noe wil ich ’t waal weite kin ich van dich opaan
Of zuus doe nieks in mich is dees leefde vanne baan

Refrein

Solo

Ode aan pap en mam

Teks & meziek: Ron Roemen

Leedje veur inne trouwmis.
Pap en mam bedanke veur al ’t gooje, veur alles waat ze veur dich gedaon höbbe.



Intro

Zonger get koom ich oppe waereld, how nieks om aan te doon
Geer bezorgde mich kleijer en ich kreeg mien ieëste sjoon
'n kamer vol mèt speelgood, waat waerde ich verwindj
Jao aajers die doon alles, veur häör eige kindj
Jao aajers die doon alles, veur häör eige kindj

Refrein :
Pap en mam geer zeentj bedank
Bedank veur al dae gooje raod
Want geer höb d'r veur gezorreg
Det ich 't slechte achterwaege laot

Tussenspel

Noe staon ich hiej veur 't altaor, geer höb mich toet hiej gebrach
Mot ich de traone laote komme, of mot ich sjeete inne lach
'ne rink om miene vinger, dae waat mich noe verbindj
Mer ich zal altied blieve, uch allerleefste kindj
Mer ich zal altied blieve, uch allerleefste kindj

Refrein - tussenspel -

Hiej is 'n bleumke veur de meute, kiek 'ns wie sjoeën 't bleutj
Vanoet 't nieks get sjoeans gewaore, zoeë wie ich bön opgegreutj
'n bleumke veur de meute is waat ich uch noe gaef
Zoeë wil ich uch bedanke, bedanke det ich laef
Zoeë wil ich uch bedanke, bedanke det ich laef

Refrein

Slotsolo

Nag eine dan

Teks en meziek: Guus Smeets / Ron Roemen

Leedje veure fens van La Bamba die noeatj heives kinne gaon.
Altied weer...jaaa, nag eine dan.

Omdet Ron deze teks same mit ‘nne angere tekssjriever haet gemaak, kinne veer deze teks vanwaege Bumarechte neet publicere, veer kinne ‘m waal persuuenlik per i-meel sjtuure.

Veer gaon skieje

Teks: Ron Roemen
Meziek: Ron Roemen / Johnny Blenco

Après Ski leedje. De miense zègke det se gaon skieje mer gaon eigelik allein veur te zoepe en te fieëste dus…… óm te Après-skieje.


Intro

Refrein:
Veer gaon skieje zoeë vertèlle v’r thoes
Veer gaon skieje ’n waekske wiet van hoes
Jao jao jao veer gaon skieje ’t huuske is gehuurd
Veer gaon skieje det mèntj de ganse buurt

Tussenspel

Nao de vastelaovendj den gaon veer altied weg
Mèt de bös of vleeger dus geine autopech
Die latte intressere mich hieëlemaol gèn moer
In de après-skihut kiek ich neet op ’n oer

Refrein - tussenspel

Effe lekker bieëste effe ’n anger rol
Mien hel sjief mot laeg ich gaon gans oet miene bol
Hoof mich neet in te haaje nemes dae nao mich kiek
Baove oppe taofel op après-ski-meziek

Refrein - tussenspel

Waat is noe un waekske det is toch zoeë veurbiej
Inne koeëj toet middig den drek weer Après-Ski
Mien skies die blieve zuuver die blieve ingevèt
Veer wille gein roddels daorom motte die mèt

Refrein

Veer gaon skieje det mèntj de ganse buurt

’t Pleintje

Limburgse teks: Ron Roemen

’n Hangplek veure jeug……………. eder dörpke haet waal ‘n gruupke hangjongere.


Intro

Refrein
Veur de kefee van Heintje dao ligk ’n prachtig pleintje
Dao staon veer mèt de maedjes ilken aovendj weer biejein
De radio op 3FM ‘t leefste lekker hel

Iddere daag gebeurt waal get ‘t is altied dolle pret
Tussenspel
In de zomer geit ’t alweer loos, scooters en cabrioos
De jonges komme oet alle heuk nao ‘ne lekkere stoeët op zeuk
Aluvelge mit slicks derrop dae tik ’t sjoonste maedje oppe kop
Extra lampe, spoilers draan ’t pleintje wüërt ‘n autobaan

Refrein - tussenspel -
‘n blikske cola wüërt gedeilt, en dao wüërt get aafgegeilt
eederein duit ’t mitein, nemes stuit allein
’t is lang geleeje mer ’t is zoeë wiet dao zeen d’r weer twieë oetgevriet
Dao wüert gesjolje “dae stomme zak” wüërt drek weer eine nuuje gepak

Refrein - tussenspel -

Solo

De radio op 3FM ‘t leefste lekker hel
Iddere daag gebeurt waal get ‘t is altied dolle pret

Slotsolo

Panaas of kroeboet

Limburgse teks: Ron Roemen

De jägers in Mofert en oppe Deelgaard zeen ongeluifelik good (aan ’t buffet??!!)………..jachtaferele inne veljer enne bósse róndj Mofert.


Intro

Es ’t zunke prachtig blingk en de nachtegaal weer zingk
Jao dan is ’t veurjaor dao staon de jägers alweer klaor
Greune jas en oppe hood ’n gouje speldje veur de mood
In de handj ’n groeët gewaer dao mèt gaeve ze ‘m van laer
Achter buim en tösse struuk jong det güëf os eine kik
En mer bökke en mer kroepe helaas weer ’ns slech gemik
De keplaon dae is al weg en pestoeër woor in gevech
mer ’t verke det woor weer ins väöl te slum
weer väöl te slum, weer väöl te slum, weer väöl te slum

Refrein:
Panaas dae smaak, waal zelf gemaak
Mer zoeë lang lang lang ’t verke dao nag löp
De sjroeëp blief inne pot en pestoear dae baetj toet God
Panaas dae smaak, ’t leefste mit väöl zaat gemaak
Leeve God ’t maak nieks oet, ich wil panaas of kroepoet

Intro

Mer veer gaeve ‘t neet op waere veer twjintig kieër gefop
Is ’t verke nag zoeë loeës verstop hae zich in ’n doeës
Opins tröf dan eine sjäöt de burgemeister in zien träöt
Idderein dae get beteikent dae moog mèt os op jach
Mèddigaete laeverwos man veer höbbe zonne dos
Mer de jonges blaoze aan en ’t verke geit noe draan
Ooze tandarts schrieëf ’t oet de koesj is weer d’r tussenoet
Inne wei dao duit ’n koe vanne lach de auge toe
’t is ein toneelstök idder jaor geer gluif ’t neet mer ’t is ech waor
Kriege ’t verke neet kapot lache os altied toch weer rot
Kom ich dalik weer aan hoes ich hüër ’t noe al det gesjpoes
want de vrouw stuit aan ’t gaas en die wiltj vandaag panaas
die wiltj panaas (die wiltj panaas) die wiltj panaas (die wiltj al jaore panaas) die wiltj
panaas

Refrein

Refrein
Leeve God ’t maak nieks oet, ich wil panaas of kroepoet

Of balkebriej det moog ouch

De lèste jas

Autobiografische teks van Ron Roemen
Meziek: Ron Roemen / Johnny Blenco

Luuj die waat gein heim kinne, noeatj genóg kriege, nag eine, nag eine, nag eine ...
Zoealang doorzoepe toet des se diene jas neet mieër hoos te zeuke, des toch superrrrrrrrrrrrrrgemekkelik.


Intro

Refrein:
‘t woor weer laat vannach dao hong nag eine jas
Ich woor weer hagelevol en how de grotste lol
’t woor weer laat vannach dao hong nag eine jas
Laot det noe net zoeë zeen det dae mich pas

Geer kintj det allemaol ’t is ’n groeëte kwaol
‘ns röstig eine drinke, det kump d’r noeëtj van
Dao wüërt neet ins getèldj, zoeë ongevieër bestèldj
Laot mich ’n röndje droet kinse neet make man
Stèl dich neet zoeë aan veer gaon flink d’r taengenaan
‘ns lekker ’n stök in die vaan

Refrein

’t wüërt al stiekem laat ich waer al lekker zaat
Kin ich neet väöl verdrage of drink ich te snel???
’t geit wie ‘nne trein, ‘t is ’n oer of ein
’t gruupke wüërt al kleiner ’t ging hieël erg hel
Ich krieg langzaam peij en num ’t neet mieër zoeë neij
Van tied höb ich gaar gein bezeij

Refrein

De disjockie sjèt oet de bessem kump al droet
’t leech geit aan ze poetse gewüën om mich haer
Kin bienao neet mieër staon ‘t is mèt mich gedaon
De kastelein dae zaet “jong doe maaks toch get draer”
Doe woors op dien bès en noe bösse weer ’t lès
Noe gank mer ‘ns fijn nao dien nès

Solo = 1e helft van refrein
’t woor weer laat vannach dao hong nag eine jas
Laot det noe net zoeë zeen det dae mich pas
Laot det noe net zoeë zeen det dae mich pas
Laot det noe net zoeë zeen det dae mich pas

Doog de deure van dien hert aop

Limburgse teks: Ron Roemen

Ron: Dit leedje höb ich gesrjeve in ‘nne tied det ich ‘t zelf erreg moeilek haw mit de doead van miene hóndj, ‘nne versjrikkelijke tied.
Het haet hieël lang gedoerd veur det ich draan toe woor om dit leedje te sjrieve.
Ederein dae ‘nne lestige tied door maak kintj ’t leedje op zichzellef projektere.


Intro

Hieël get jaore woore veer same
Deilde leef en deilde leid
Eedere daag det woor d’r eine
Veer dachte laef mer zoeë lang ‘t geit

Dien leefde how ich toch zoeë nüëdig
Doe woors geveulig doe woors spontaan
Same lache same böke
Jao same koste veer ‘t aan

Refrein :
Doog de deure van dien hert aop
Dao mot ‘n plaetske zeen veur al waat is
Plaats veur plezeer en ouch veur leid
Det naeve ein besteit
Doog de deure van dien hert aop

Zots nag dök dinke aan dae tied
Mer dae is noe veurbiej
D’n eine kieër maak ‘t dich somber
D’n angere kieër missjien waal bliej

Blief neet lang stil staon biej detgeen
Det aanveuldj es ‘n las
Mer haaj ‘t sjoeëne oet ‘t verleeje
In dien gedachte vas

Refrein - solo, 7 m - refrein

Slot – 2x - :
Plaats veur plezeer en ouch veur leid
Det naeve ein besteit
Doog de deure van dien hert aop

Instrumentaal slot 5 m

De draak vanne Laak

Teks en meziek: Ron Roemen en Huub Hellebrekers

In Sjotlandj höbbe ze ’t monster van Lochness (inne volksmóndj: Nessie).
In Midde-Limburg höbbe veer oos eige monster: De Draak vanne Laak
Wiltj g’r weite waem ’t is vraog den mer ‘ns oppe Laak bie de bekker.

Omdet Ron deze teks same mit ‘nne angere tekssjriever haet gemaak, kinne veer deze teks vanwaege Bumarechte neet publicere, veer kinne ‘m waal persuuenlik per i-meel sjtuure.

Edere gek haet zien gebrek

Teks: Ron Roemen
Meziek: Ron Roemen / Johnny Blenco

Zoepend in ’n kefeeke in Ech zoot ‘nne miens achter ós dae ech neet zuuver foenkde.
Ron zaet taenge: Edere gek haet zien gebrek.
De volgende daag woor de teks vaerdig.


Intro

'nne pessimis haet geine mood
'nne egois vindj zichzelf good
Waat löp d’r toch rondj oppe waereld
'nne manke miens dae is get laam
'nne wilje dae wüërt noeëtj ’ns taam
Waat löp d’r toch rondj oppe waereld
Wie is det te verklaore ze zègke doe bös zoeë gebaore
Zoeëget zit in de gene van top toet in de tene

Edere gek haet zien gebrek nae nemes is perfek
Mer mit dees daag is det egaal want geine duit normaal
Dao is nemes dae ’ns zaet
Kiek dao ’ns waat dae haet
Edere gek edere gek haet zien gebrek
Jao edere gek edere gek haet zien gebrek
Ouch doe höbs unne trek

'nne moelemaker kaltj te gaer
'nne zwerver wiltj euveral haer
Waat löp d’r toch rondj oppe waereld
'nne bronkbaer dae haet altied get
'nne blieje kintj allein mer pret
Waat löp d’r toch rondj oppe waereld
Wie is det te verklaore ze zègke doe bös zoeë gebaore

Zoeëget zit in de gene van top toet in de tene

Edere gek haet zien gebrek nae nemes is perfek
Mer mit dees daag is det egaal want geine duit normaal
Dao is nemes dae ’ns zaet
Kiek dao ’ns waat dae haet
Edere gek idd’re gek haet zien gebrek
Jao edere gek edere gek haet zien gebrek
Jao edere gek edere gek haet zien gebrek
Ouch doe höbs 'nne trek

Ane kantj mit daen hanjel

Teks & meziek: Ron Roemen

Euvere ómgedreijde werreld……mit vastelaovend


Intro

Refrein
Aanne kantj mèt daen hanjel veer gaon drie daag aanne wanjel
Want ’t is weer vastelaovendj
Ouch al loup ich oppe kop ich kin de ganse waereld aan
Gaef mich mer ’ns vriej baan
Houw op die träöt blaos op die trom
Of mot det angesom
Get flauwekul get stomme kal
Is miene karneval

’s zonjes is de optoch den dae löps doe altied mèt
Es einzelgänger neet good wies mer waal de ieërste pries
Doe hats weer get orgineels doe leeps op diene kop
En veur en achter op ut bördje dao stong hieël groeët op

Refrein

’s maondes nao ut boerebal den klaps doe al inein
Doe höbs ‘m hieël good laote gaon kruups oppe kneen nao heim
Diene spreuk en ut kostuum gluif neet det det nag klop
Want veur en achter op ut bördje stuit nag ummer op

Refrein - 2x –

Is miene karneval
Is miene karneval