FACEBOOK

header vastelaovend 2015

Wo zeen die hendjes?

Teks: Ron Roemen
Meziek: Wim Roeffen

D’r zeen ‘n paar….ich bedoel…..versjillende…..euh….ich bedoel…..väöl……. artieste ( huuere veer dao ouch neet toevallig bie?!) die meine det se bie eder leedje det se zinge ze tich kieër mótte rope: Wo zeen die hendjes?
Protestleedje hiejop: La Bamba vruueg det eine kieër (uhum uhum) enne res van ‘t optraeje doon de luuj det oet häör eige ómdet ze ‘t leuk vinje en neet ómdet ‘t persé mót.

Intro

D’r zeen van die artieste, die rope altied weer
Wo zeen die hendjes? Wo zeen die noe alweer?
Veer vraoge ut vanaovendj aan uch mer eine kieër
En den vraoge veer ut éch neet mieër

Refrein:
Wo zeen die hendjes? Laot se ‘ns zeen
Strek uch ‘ns oet van top toet teen
Maak ’t gezellig mer neet te bontj
Noe dreij ins lekker in ’t rondj
Wo zeen die hendjes? Laot se ‘ns zeen
Strek uch ‘ns oet van top toet teen
Veer blieve zweije en gaon noe dreije
En laote zoea uch die hendjes zeen
Veer blieve zweije en gaon noe dreije
En laote zoea uch die hendjes zeen

Ze blieve steeds mer sjrieëve, ut kin neet dök genog
Ich zeen gein hendjes?Noe haaj die inne loch!!!!!!!!!!!
’t-geit zoea de ganse aovendj, jao toet vervaeles toe
Ja zègk uh artieste, mot det noe?????

Refrein 2x

‘n traon en ‘nne sjaterlach

Teks: Ron Roemen / Johnny Blenco
Meziek: Johnny Blenco

Geit euver die dinger waat ‘nne kloon duit, nae zèk ich fout……. mót doon, die dinger die van ‘m verwach waere.

Omdet Ron deze teks same mit ‘nne angere tekssjriever haet gemaak, kinne veer deze teks vanwaege Bumarechte neet publicere, veer kinne ‘m waal persuuenlik per i-meel sjtuure.

Gran Canaria

Limburgse teks: Ron Roemen

Mit karneval vekansie viere op Gran Canaria, bös se den ‘nne echte Limburger???
Jaowaal zeker weite…… weg hie!!!!!!

Intro:
Lèste mededeling vluch 104 oetgang C 46, C 46 nao Gran Canaria

Vluch 104 oetgang C geit richting Las Palmas
400 miense verheuge zich drop wie un kindj
D’n eine sandale d’n angere sportsjoon of slippers
’t is mer net wie se ut wils en wie bös se ut gewindj
De maon die lach hiej utzellefde mer hètj hiej la luna
En morge is weer unne daag det is hiej manjana

Refrein:
Karneval op ut strandj ut vötje verbrandj op Gran Canaria
Effe hieëlemaol nieks det is toch get sjieks waat wille v’r mieër
Karneval op ut strandj ut vötje verbrandj en ich drink sangria
’t is hiej mieër es oké veer zinge olé en gaon hiej te kieër

'saoves den gaon v’r vreug aete daonao un terrasje
Den nao de disco dus veer komme laat in ‘t bèd
’t-onbijt slaon ich euver de wèkker dae bön ich vergaete
‘t maedje van gister det geit ouch vandaag mèt mich mèt
Un fieëske det numme ze hiej una granda fiësta
En smiddes netuurlik un dutje en det is siësta

Refrein

Brök:
Zon zieë en sangria det maak mich bliej
Karneval viere veer hiej

Refrein 2x

Gehakbölkes in tomatesaus

Teks: Ron Roemen
Meziek: Lei de Bruyn

Geit euver ein vanne väöl lievelingsgerechte van Ron.
Oet dae goje aje tied wie d’r nag verstenjig woor en kiloos vleis oot altans.
Ze mótte waal door mam gemaak zeen en neet door mich zellef……..’n gans kèlle veur mich allein………mmmmmmmmmmmmmmmmmmmmmmmmmmh


Intro

Refrein:
Gehakbölkes in tomatesaus
Waat höb ich die toch gaer
Gehakbölkes in tomatesaus
Det maak mich neet oet biej waat veur waer
Ertesoep en moos hüëre biej kaaj
Biej un graod of 30 kriesse slaaj
Gehakbölkes in tomatesaus
Waat höb ich die toch gaer

Kom ich biej de slechter zègk ich; 2 pondj gehak!
Vandaag maak ich get lekkers, dus nieks oet un pak
Ich rol de bölkes, precies en lekker rondj
Waat vinj ich dit toch heerlik, mer is det den ouch gezondj?

Refrein

Ketchup, sjampiejons en ooje vers van ’t landj
Die zeen den waal geklout mer dris nieks aanne handj
Paprika, knoflook, un teentje twiëë of drie
Doe kries biej lekker aete, de zwumbandj veur nieks d’rbiej

Refrein 2x

Lekker niekse

Autobiografische teks van Ron Roemen
Meziek: Ron Roemen / Johnny Blenco

De hieël waek óngere luuj en den dae zonjig.
Waat ‘nne prachtige daag, de telefoon neet oppakke (neet det ich det dore waek waal doon) enne deur neet aopmake, dus nemes dae mich ane kop kintj zeivere.
Zoeaget van…… verrèk mer allemaol, morge is ‘t maondig en kintj g’r weer bie mich terech, vandaag effe neet, vandaag hieëlemaol nieks, vandaag de ganse daag…….lekker niekse.

Intro

Vandaag höb ich gein deurbel, ich hüër geine telefoon
Vandaag ‘ns lekker nieks, geine zin om get te doon
‘ns lekker op mien eige, allein mèt miene hondj
Mer dae witj ‘t is zonjig, dus dae hèldj waal de mondj

Refrein:
Ich gaon vandaag ‘ns lekker niekse
De ganse daag ‘ns lekker niekse
Michzelf ‘ns verwinne, vandaag bön ich neet thoes
De waereld is vandaag, neet grotter es mien hoes
Ich gaon vandaag ‘ns lekker niekse
De ganse daag ‘ns lekker niekse
Dao is ‘ns nieks te motte bön d’r effe tösse-oet
Doontj ‘t ‘ns zonger mich, morge kom ich d’r weer oet

’s aoves krieg ich honger ich loup nag inne piama rondj
Ich bestèl mich ‘ne sjwarma, lekker aete is gezondj
Get televisie kieke zoea blief ich toch nag biej
Anges zègk ich morge; “Dae orkaan woor det, woor det hiej??”

Nach effekes nao Roda, d’r kloeb al oet mien jeug
Daonao weer flot ’t bèd in want van sporte wüërs se meug
’s morgesvreug kom ich den baove hüër ich weer gans d’rbiej
Miene zonjig miene zonjig hae is alweer veurbiej

Refrein

De Mam

Teks: Ron Roemen
Meziek: Ron Roemen/ Johnny Blenco

Ron: In Zöstere (woor geteikend John Janssen) zègke ze altied: Doe kins nag 100 leedjes veur de mam sjrieve den höb se ‘t nag neet good gemaak…hahaha, merja ich probeer ‘t toch mer weer…..
‘n leedje wo-in väöl kinjer ( zoealang se ‘n mam höbs blies se kindj) zich zulle herkinne: Mam is alles veur mich!


Intro

Refrein :
Det is de mam van mich
De mam die hèldj van dich
‘s morgesvreug of ‘s aoves laat
Altied stuit se weer peraat
Det is de mam van mich
Leef mam ich haaj van dich
Det mos ich zègke eedre daag
Mer ach leef mam, doe wits det ich dich maag

Ich kin ’n vruike det ech van mich hèldj
Veur mich alles duit, op mich is gestèldj
Mer es ich häör bekiek en ich vergeliek
Den zeen ich det ich op häör liek

Refrein

Altied, ech altied de mam is bezorg
Häör kindj zien gelök daoveur stuit s borg
Blies doe get lang oet, is zie ongerös
Ze slüëp den neet veur’s doe d’r bös

Refrein

Solo

Det is de mam van mich
Leef mam ich haaj van dich
Det mos ich zègke eedre daag
Mer ach leef mam, doe wits det ich dich maag

Wo zeen mien sleutels?

Teks: Ron Roemen / Johnny Blenco
Meziek: Lei de Bruyn

Ron: Es ich mich noe ‘ns kos aanlieëre óm die altied oppe zellefde plaats trök te hange mer det lieër ich noeatj. Den mer weer zeuke, ergere en vloke….godv….nonde…..
Wie dök det ich die neet kwiet bön.
Höb trouwes gemèrk det ich neet de ènsigste oppe ganse werreld bön….daoróm dit leedje.

Omdet Ron deze teks same mit ‘nne angere tekssjriever haet gemaak, kinne veer deze teks vanwaege Bumarechte neet publicere, veer kinne ‘m waal persuuenlik per i-meel sjtuure.

Danse wie Mexicane

Limburgse teks: Bert en Ursula Garnier

Es se die Mexicane zuus danse den dink se det zów ich ouch zoea gaer wille.
Det mót toch neet zoea lestig zeen want ‘t zuut d’r zoea gemekkelik oet.
Mer helaas……………wie die tekieër gaon det is neet te lieëre, dao bös se mit gebaore, zoeaget zit in dich…………….of neet.

Omdet Ron deze teks same mit ‘nne angere tekssjriever haet gemaak, kinne veer deze teks vanwaege Bumarechte neet publicere, veer kinne ‘m waal persuuenlik per i-meel sjtuure.


De dörpsgek

Teks: Ron Roemen
Meziek: Ron Roemen / Johnny Blenco

In eder dörp löp of  loupe waal ‘n paar gekke róndj.
Mer good ouch want zónger dees dörpsfigure woor ‘t dörp neet mieër ‘tzellefde, gein dörp kintj eigelik zónger.


Intro

Es smorgesvreug de haan kreijt den geit hae al op paad
Zoea gek wie ’n deur, zoea gek wie ’n raad
En zien bottram haet hae in zien jassetes
Ut lekkerste ontbijt det is beer oet de fles

Refrein:
Det is de dörpsgek witj alles waat gebeurd
De dörpsgek eeder maedje wüërd gekeurd
Bienao eedere daag maak hae waal get peraat
Det is al bao normaal hae is altied lekker zaat
Det is de dörpsgek hae kump in eeder kroeg
De dörpsgek sjeurt door ut dörp op ziene Puch
Hae kaltj euver dit hae kaltj euver det
En is d’r nieks gebeurd verzintj hae zelf waal get

Gein dörpke det kintj zonger hae hüërt d’r eimaol biej
Hae zorg altied veur laeve inne broewerie
Ziene echte naam höb ich nag noeatj gehüërt
De dörpsgek d’r is ech geine dae zich draan stüërt

Refrein – 2x –

‘nne echte vrundj

Autobiografische teks van Ron Roemen
Meziek: Johnny Blenco

Ron: Altied gedach (zoeawie de meiste luuj) det ich väöl vrunj haw mer bön dao (gelökkig ) door ‘n veurval achtergekómme, ( Harrold ouch trouwes, dae kos de teks drek trök!)
Bön noe blie mit de échte vrunj óm mich haer. Die kin se op ein handj tèlle (en den höb se ouch nag ‘n paar vingers euver) mer die zeen waal éch get waerd.


Intro

Refrein:
Jao unne echte vrundj
Is eine, dae dich alles guntj
Al geit ’t nag zoea slech
Biej hem kins se altied terech
Jao unne echte vrundj
Dae maak van erremood gein puntj
Zoea eine dae dich alles guntj
Det is unne echte vrundj

Unne echte vrundj is emes, dae ech alles van dich witj
Dae dich ouch in slechter tieje, jao den zeker neet vergitj
Stuit ut dich weer uns toet baove, ligk dich weer get oppe maag
Gank den effe biej ‘m aan, want det hölp dich door de daag

Refrein

Wilse lache, wilse bäöke, den wits doe wo’s doe det kins
Ich weit zeker zonne vrundj, dae haet zich eederein gewins
De femiliej haet dich zat bezeik sjeet die mer naor de maon
Mer echte vrundsjap geit neet euver, nae die blief bestaon

Refrein

‘t Manderijntje

Teks: Ron Roemen
Meziek: Wim Roeffen

Stuis se gezellig nao de karnevalsoptoch te kieke guuetj de prins dich ‘n manderijntje taenge dien höt…… geem over…………… karneval nao de kl………!!!!!


Intro

Vastelaovendj is veur mich de sjoonste tied van ‘t-jaor
Mer ich woor dit jaor mèt fieëste toch waal hieël snel klaor
Lollies kauwgum zuurtjes kreeg ich vlegend kado
Mer nao ut manderijntje doe ging ich K.O.
De aajers lieëre kinjer fruit is zoea gezondj
Mer ich ligk hiej noe oppe grondj

Refrein:
Zègk prins, doe bös bedank!
Is dit noe diene dank
In vol ornaat staon ich te kieke
Mer haj mich baeter kinne wieke
Bedank! doe sjoeane prins
Noe höb ich nag mer eine wins
Dae scepter is ‘t volgendj jaor van mich
Die manderijntjes den veur dich
Dae scepter is ‘t volgendj jaor van mich
Die manderijntjes den veur dich

Ich staon winkend langs de optoch; smiet mich uns get snoep!
Unne flinke hampel goeajde hae doe richting stoep
Mer dae sjoeane prins verknoeajde alles veur mich
Un stökske fruit en ich verloor mien aevewich
De aajers lieëre kinjer fruit is zoea gezondj
Mer ich ligk hiej noe oppe grondj

Refrein

Hiej get draaf, dao get draan!

Teks: Ron Roemen
Meziek: Huub Lemmens / Johnny Blenco

Geit euver metamorfoses, lipostruksies of wie heite die dinger allemaol, in eder geval rumpels det huuert zich neet mieër, de sjarme dae bie ‘nne bepaolde laeftied huuert is weg.
Bao eder lichaamsdeil is op vandaag, mits doe sjräöm höbs, te verangere, verbaetere numme ze det den.
Dé vraog van dit leedje: Wo zit de sjoeanheid van ‘nne miens? Ane binnekantj, ane boetekantj, of zit aan allebei de kenj get, geer moog ’t antjwaord gaeve.


Intro

Doe höbs ‘n väöl te dieke kontj
En unne hieële groeate mondj
Die oeare jao ich zègk ut uch luuj
Die maak ich häör strak hieëlemaol nuuj
Dien tietjes det zeen dwerge
Dus die heuvels waere berge
Gelukkig kin det allemaol
Ich maak dich knap! want doe stuis veur paol

Refrein:
Hiej mot get draaf en dao get draan
Ich pak die vilstif en teiken aan
Waat ’t ouch kos egaal wie duur
Doe kries un hieël erg good figuur
Hiej mot get draaf en dao get draan
Ich pak die vilstif en teiken aan
Ich gaef dich ‘n prachtig lief
Maak van dich ’n lekker wief

Doe wils mieër haore oppe kop
Dus ich struij dao get zäödjes op
Die naas vinj ich toch ouch nag get groeat
En stuit waal erreg väöl oet ’t loead
Dien ouge motte straole
En die pukkels kom ich haole
Gelukkig kin det allemaol
Ich maak dich knap! want doe stuis veur paol

Refrein

Mer mosse aan dit alles beginne?
Ich dach sjoeënheid zit van binne
Zonger det ich euverdrief
De lieëlikste trut wüërd zoea ’n lekker wief

Refrein

Olé Miranda

Teks: Ron Roemen / Johnny Blenco
Meziek: Johnny Blenco

Op vekansie op Mallorca tröf ‘nne jong ‘nne lekker wiefke mer es d’r den ‘n bietje wiejer wiltj gaon en get mieër van ‘t maedje wiltj mèrk hae det der get neet klop aan Miranda: ‘t is ‘nne ómgeboewde, haet inne boks gein………mer…. Una frikadella granda.
Veur diegene die dinke det dit leedje autobiografies is…………….pech gatj….. is neet ech gebeurd…... hahahaha…. Wae wae …….sliep oet de baek!

Omdet Ron deze teks same mit ‘nne angere tekssjriever haet gemaak, kinne veer deze teks vanwaege Bumarechte neet publicere, veer kinne ‘m waal persuuenlik per i-meel sjtuure.

Jäörig

Teks & meziek: Ron Roemen

Leedje euver ‘t viere vanne verjäördaag. Profisiat…… mit ‘t opgedrónge bezeuk!!

Intro

Refrein:
Ich bön weer un jäörke aajer
Ich höb weer un jäörke d’rbiej
‘t woor weer sjoean ’t woor prachtig
Mer ’t vloog weer ech veurbiej
Ich bön weer un jäörke aajer
Belaefde èlke daag
Doog mich nag zo’n jäörke d’rbiej
Es ’t van daobaove maag

Vandaag kries doe kaarte, dao kump ouch bezeuk
Dao wüërd flink gelache, det is altied leuk
Koffie en flaaj is d’r veur eederein
Kom zing mèt de jäörige noe ‘t refrein

Refrein

Verhäölkes van vreuger die komme veurbiej
Van wies doe nag klein woors, jao meekend of bliej
’t-laeve is kort onveurspelbaar en riek
Veer gaeve ’t klüër mèt, ‘n stökske meziek

Refrein 2x

Laot mich veurbiej

Teks & meziek: Ron Roemen

Leedje euver unne kaaje vastelaovendj, de vastelaovesvierder mot
zich good aankleije om zich taenge dit waer te besjerme.
Den mot d’r nao de wc en mot netuurlik alles oet om te kinne.………


Intro

’t-is weer vastelaovestied ’t waerke det is kaat
Geitewollesök, dao bön ich mèt gebaat
’n lekker werm lang ongerboks un spijkerboks en dan
Kieke of mien indianeboks nag dreuver kan
Krieg ich plotseling hoeëge noeëd, zeen de probleme hieël erg groeët

Refrein
Opziej opziej, laot mich ‘ns flot veurbiej
Wies mich de waeg nao de kleine swiet
Maak plaats maak plaats, quick, schnell, gauw, vite
Opziej opziej, laot mich ‘ns flot veurbiej
Opziej opziej, haopelik stuit d’r gein riej
Opziej opziej, haopelik stuit d’r gein riej

Tussenspel

Unne trui ’n ongerhaemp en unne dieke jas
Vraog mich opins aaf is dit vastelaovessjpas
’n bivakmöts op miene kop ’n sjerp om miene nak
En dao nagins euverhaer mien indianepak
Krieg ich plotseling hoeëge noeëd, zeen de probleme hieël erg groeët

Refrein

Refrein

De vastelaovendj van mien laeve

Teks & meziek: Ron Roemen

Belaef alles es of ’t de lèste kieër is, doe wits neet waat d’r morge is.


Intro

Refrein:
Laot mich d’r ouch ‘ns tösse-in!!!!!
’t leefste middedrin
De polonais van vanaovendj
Det is echte vastelaovendj
Laot mich d’r ouch ‘ns tösse-in!!!!!
’t leefste middedrin
De sjpas en ut plezeer van vastelaovendj
Vins doe in de polonais vanaovendj

Ich staon alweer klaor
Dees drie daag dit jaor
Gaon ich weer belaeve
D’r loert un gevaor
Net wie idder jaor
’tis misjien de lèste van mien laeve????
Belaef ut mèt zien al esof ut is ut lèste bal!!!!

Refrein

Idder jaor weer bliej
Ich hüër nag d’r biej
God mot ich bedanke
Det ich mèt die daag
Weer dr’biej zeen maag
Daoveur zègk ich: “leeve hieër danke”
Belaef ut mèt zien al esof ut is ut lèste bal!!!!

Refrein

Refrein –gemoduleerd-

De sjpas en ut plezeer van vastelaovendj
Vins doe in de polonais vanaovendj
Vins doe in de polonais vanaovendj