FACEBOOK

header vastelaovend 2015

Ladioo

Limburgse teks: Ron Roemen

Normaal vèltj mich altied waal ‘nne leuke teks in.
Mer bie dit leedje is ’t refreintje ’t alderbäövelstebèste waat d’r te vinje is in de veer menuut en tieën sekonde det ’t leedje doert.
Merja waem witj….. toch ‘nne hit????


Refrein
Ladi Ladi Ladi Ladioo, Ladioo, Ladioo
Ladi Ladi Ladi Ladioo, Ladioo, Ladioo

gitaar-Solo

Refrein

‘ch-sjrief bie La Bamba alle tekste
Mer deze kieër veel mich nieks in
Egaal wieväöl ich zoop, ich kreeg nieks op pepier
‘t haw totaal gèn zin

Mer doe bedach ich dit refreintje
Mien God, wie kwaam ich toch hie-óp
Ein naodeil haet ‘t waal, ’t maak dich knettergek
‘t-geit neet mieër oet de kóp

’t is get sjieks, ’t is get sjieks,
Mer eig’lik ouch weer nieks

Refrein - 2x -

Mesjein wuuerd “Ladioo” ‘n hitje
En zink ut strakkes ederein
Waere veer ech beroemp, kriege un gouje plaat
Allein door dit refrein

En bäöke veer den vanne euros
Waere v’r euveral herkintj
Veer höbbe väöl sukses, spele de zale plat
La Bamba is bekintj

’t is get sjieks, ’t is get sjieks,
Mer eig’lik ouch weer nieks

Refrein

gitaar-solo

Refrein

modulatie

Refrein - 3x -

Zoea lang veer nag in laeve zeen

Limburgse teks: Ron Roemen

Plök de daag. Geneet vandaag want morge kintj ’t te laat zeen.  
(Mós se huuere waem ’t zaet!!!)


Refrein - langzaam
Zoea lang veer nag in laeve zeen
Aan-‘t lache en aan-’t danse zeen
Zoea lang veer nag in laeve zeen

trompet

‘t-is eimaol ’n gegaeve: Vandaag kump noeatj mieër trök
Wach neet te lang mit oeagste, plök noe dus dien gelök

Sjei oet mit det geknoter, ‘t haet toch gènne zin
Stank pozitief in-’t laeve, stank lekker middedrin

Refrein - 2x -

Höbs doe ut effe moeilik, dit is neet dienen daag
Dink den mer gouw aan morge, dae-wuuerd baeter es vandaag

De zón die sjientj neet ummer, ’t raengentj aaf en toe
Merja zoea is ‘t laeve, dus laef dien laeve noe

Refrein - 2x -

gitaar-solo

Refrein - 2x langzaam -

Refrein - 3x -

Shakalaka

Limburgse teks: Ron Roemen

Ode ane blónj vroulje op deze werreld. Die zeen pas Shakalaka!!!!
Leeven Hieër: Bedank hieveur!!!


Intro
Es ich dich ech te gek vinj
Es ich dich ech hielemaal fantasties vinj
Es ich ech dink van: Wauw, det is et
Den vinj ich dich geweun: Shakalaka

Shakalaka, shakalaka, shakalaka
ich vinj dich ech.....

Refrein
Shakalaka, shakalaka, shakalaka
Ich vinj dich ech te gek – papadapapapa -
Shakalaka, shakalaka, shakalaka
Ich vinj dich ech te gek

Wie God ieëwe geleje, de vrouw haet bedach
Wis hae gelökkig ouch waal, waat ich haw v’rwach
Veur mich is d’r mer ein, det is mien p’rfekte vrouw
Sjoean blóndj, de ouge blaw – papadapapapa

Refrein

D’n eine hèltj van kleintjes, d’n angere van róndj
Mesjien hèls doe van smaal, of mesjien van gezóndj
Bekiek ich mich die vroulje, den weit ich ‘t al gaw
Sjoean blóndj, de ouge blaw – papadapapapa

Refrein

Mesjien hèlts doe van vötjes, mesjien van ‘n kontj
Doe kieks ‘ns nao de haore, doe kieks nao de mondj
Ich wil d’r mer ein höbbe, det saort det lös ich raw
Sjoean blóndj, de ouge blaw – papadapapapa

Refrein -2x –

Hie is ‘t te doon (Herstikke gek)

Teks en meziek: Ron Roemen

Gewuuen ‘n knettergek tex-mex leedje.
Mós se ech gehuuerd höbbe, hieël aanstaekelikke melodie en teks (volges angere).
Deze kreet guuef ‘t leedje net det bietje extra:
’n bietje gek, ‘n bietje gek, héééérstikke gek


Intro

Veer zeen hiej om os uns good te amezere
Om uns lekker ongerein te klasjenere
Doe hils van stomme kal of van un good gesprek
Misjien bos doe waal serieus misjien un bietje gek
- un bietje gek, un bietje gek, herstikke gek -

Refrein:
Hiej is ut te doon, jao hiej is ut te doon
Hiej wüërd gelache en gezonge
Hiej wüërd gedans en ouch gespronge
Hiej is ut te doon, jao hiej is ut te doon
Unne aovendj zonger polonais
Ich weit zeker det is hiej nag noeatj gewaes

Zonne aovendj kinne veer os op verheuge
Veer geniete allemaol mit volle teuge
Doe dinks neet aanne baas ach det dae mer verrek
Vanaovendj dinks doe nörges aan en duis un bietje gek
- un bietje gek, un bietje gek, herstikke gek -

Refrein

V'r probere effe alles te vergaete
Waat veer drinke hiej det is neet mieër te maete
Misjien geniets doe stil of bös doe good gebek
Misjien bös dao waal gans normaal misjien un bietje gek
- un bietje gek, un bietje gek, herstikke gek -

Refrein

Wo d'r luuj zeen dao is hieël get te belaeve
Doe besjäörs dich om dae gare biej dich naeve
Mer ouch doe höbs un gebrek want nemes is perfek
Den zègke ze; Dae foenk neet zuver, dae is un bietje gek
- un bietje gek, un bietje gek, herstikke gek -

Refrein

Lever beer den fris

Limburgse teks: Ron Roemen

Euver keuzes make. En mer dinke, dinke, dinke.
Mót ich dit mót ich det, rechs, links, omhoeag, omlieëg.
Blief dök lestig mer wach neet te lang anges make angere de keus veur dich.
Al bliek de keus later neet good oet te pakke, doe höbs temninste örges veur gekaoze.


Intro

Good of slech, links of rechs
Ich dink neet bie alles nao
Mer ouch ich, ich twiefel dök
Wuuerd ut hie of wuuerd ‘t dao
De verbinjing die is den weg
Tösse mien hert en miene kop
‘ch-blief de ganse tied aan-‘t male
Aah wienieë hèltj ‘t noe op

Staon ich weer veur ’n keus
Den zing ich deze leus
’t-zeen van die dinger die ich zeker weit

Refrein
Lever beer, den fris
Lever noe, den St. Jöttemes
Lever mieër, den väöl
Wach neet aaf, pak dien keus zelf inne handj

Mien geveul, mien verstandj
‘t-lik neet ummer op ein lien
Wuuerd ut jao of wuuerd ut nae
‘n keus die duit dök pien
Zit ich euver get in
Is mien keus inne maak
‘ch-kom neet droet mer den is dök
Al de keus veur mich gemaak

Mer höb ich waal de keus
Den zing ich deze leus
’t-zeen van die dinger die ich zeker weit

Refrein

gitaar-solo

Mer höb ich waal de keus
Den zing ich deze leus
’t-zeen van die dinger die ich zeker weit

Refrein - 2x -

Lever mieër, den väöl

De roeaje van Janse

Teks: Ron Roemen
Meziek: Wim Roeffen

De roeaje van Janse ging altied door kappes en tebak, dae woor neet te haaje….. toet det d'r in eine klap verleef waerde op ’n prachtig vruike.
Hae dach (en dink ‘t sjienbaar nag ummer) det d'r ‘t gevónje haw.
Hae is doe nag eine kieër mit ós mitgegange nao de bujelezitting en daonao höbbe v'r vanne roeaje nieks mieër gehuuerd of gezeen.
Hae dans noe nao de piepe van die alte van ‘m.
Zoea loupe d'r mieër róndj oppe werreld dus de roeaje van Janse is neet de ènsigste…..helaas.

Intro

Stong d'r weer un tent
Kwaam hae d'r al aan
Ach den ging dae roeaje van Janse draan
Doe is ut gebeurt
Det ging väöl te gauw
Ooze Janse kreeg un vrouw

Refrein:
Holladijee holladijo
De roeaje van Janse woor d'r altied biej
Holladijee holladijo
Mer jonges dae tied is noe veurbiej
De roeaje van Janse zuus se nörges mieër
Ut bujelebal det woor de lèste kieër
Holladijee holladijo
Doe kries in ut laeve nieks kedo

Hong hae aanne teek
Woor ut dolle pret
Mèt de roeaje duvel woor altied get
En dae jong dae zoop
't-woor net unne trein
Mer die alte kreeg um klein

Refrein

Ieëwig vriegezel
Altied gooie mood
Stong d'r unne tap zoot dae Janse good
Det is noe gewaes
't-kump ouch noeatj mieër trök
Ut is weer un vrouw gelök

Refrein 2x

Riet ‘ns effe aan dae tap

Limburgse teks: Ron Roemen

Oetlik euverbodig dach ich zoea……………………………


Intro

Is get loos, is örges get te fieëste
Deze jong is dao, hae kump in vol ornaat
Hae haoltj zich get bunkes, rietj drek op dae traog aan
‘ch-gluif ut wüërd vannach weer laat

Refrein
Riet ‘ns effe aan dae tap riet ‘ns effe aan dae tap
Heja heja heja ho
Van det beer löste v’r pap van det beer löste v’r pap
Heja heja heja ho
Riet ‘ns effe aan dae tap riet ‘ns effe aan dae tap
Heja heja heja ho
Toet ‘n oer of vief op stap toet ‘n oer of vief op stap
Heja heja heja ho

H’-smaak weer good, waat is det beer hie lekker
Mer, is d’r genóg? Genóg veur eederein
Det kin’-v‘r neet gokke, dus sjroef op det tempo
Want veer zeen hie neet allein

Refrein

tussenspel

Refrein - 2x -

Riet ‘ns effe aan dae tap riet ‘ns effe aan dae tap
Heja heja heja ho

Tante Nel

Teks en meziek: Ron Roemen

Leedje euver de “loupende” gezèt van ’t dörp. Eder dörp haet ziene gek en ouch eder dörp haet zien “gezèt”. Waat zów ’t toch saai zeen aone die twieë hahahahahaha


Intro
Hey hey
Hey hey

‘t Ganse dörp geit door de sliek – Nel die kakeltj d’r op los
Vertèltj dich alles tegeliek – Nel die kakeltj d’r op los
Heel zie mer ‘ns die kwek, ze maak dich knettergek
Waat die al‘maol vertèltj, daovan stuis se verstèltj

Waat un waswief!

Refrein
Tante Nel, tante Nel
‘t nuuts det geit zoea snel
Tante Nel, tante Nel
Zo’n hongerd decibel
Tante Nel, tante Nel
Ut nuuts det geit zoea snel
D’r-is altied spiktakel, waat un gekakel, Nel maak ‘n gans dörp gek
D’r-is altied spiktakel, waat un gekakel, Nel maak ‘n gans dörp gek

Veur róddele de ieëste pries – Nel die rateltj altied door
Die maak ut ganse dörp get wies – Nel die rateltj altied door
Ze bletsj drek alles róndj, hèltj noeatj dae groeate móndj
Van wied huuers doe ‘t al, dae richt’ge zeiverskal

Waat un waswief!

Refrein

Gaef häör mer ‘n menuut of vief – Nel hèltj dich waal aanne kal
‘t haemp vruueg se dich van ‘t lief – Nel hèltj dich waal aanne kal
Ze witj ‘t hieël gaer gans, d’-wils weg mer kries gein kans
Ze vruueg ederein oet, en lultj zich drin en droet

Waat un waswief!

Refrein

Slot
Hey hey
Hey hey

Mien Limburgs landj

Limburgse teks: Ron Roemen

Leedje euver heimwieë.
Vreuger waal väöl las van gatj.
Noe neet mieër: Waat mós se heim hahaha?!

Intro
Aah, aah, aah, aah, aah, aah, aah
Aah, aah, aah, aah, aah

‘n-waekske fieëste op Mallorca
‘ch-kin de ganse waereld aan
Euverdaag meug van ‘t niekse
‘Saoves flink d’r taengenaan

‘ch-kom d’r mer neet los van, zal ‘t oeatj euvergaon?
Wo ich gaon en wo ich staon
‘ch-gaon op zeuk nao get verkeuling
‘ch-graaf mich ónger mèt get zandj
Mer mien rös kin ich neet vinje
Jóng waat is d’r aanne handj?

‘ch-kom d’r mer neet los van, zal ‘t oeatj euvergaon?
Wo ich gaon en wo ich staon

Refrein
Oh, ich haaj zoea van Limburg
‘ch-höb mien hert aan dich verpantj
Altied weer det groeat verlange
‘t-verlange nao mien Limburgs landj

‘ch-wil hie lekker gaon geniete
Toch bekruup mich ‘t geveul
Woor det water waat ich hie zeen
Mer de Roer, de Maas of Geul

‘ch-kom d’r mer neet los van, zal ‘t oeatj euvergaon?
Wo ich gaon en wo ich staon

Refrein

‘ch-verlang bao zelfs nao raenge
En nao miene wintjerjas
Toch kóm ich volgendj jaor weer trök
Höb ich van heimwieë den gèn las?

Refrein

Oh ich haaj zoea van Limburg
‘ch-höb mien hert aan dich verpantj

De tent oppe kop

Limburgse teks: Ron Roemen

Autobiografies leedje euver de menkes van La Bamba die es se d’r op oet gaon “De tent oppe kop zitte”.
Veer zeen ouch al get röstiger gewaore huuer, dus van det “zitte” kinne v’r mesjien “zote” van make.

Intro

Is örges get te zoepe, den staon dees men veuraan
Gaon draan wie verkes-Wullem, v’r gaon d’r taengegaan
Veer make den plezeer, gaon door kappes en tebak
En waat se van ós vinje, dao-aan höbbe veer lak

Refrein
Veer gaon fieëste, komme neet mieër stop
Sjöd nag mer uns in want beer is hie volop
Veer gaon fieëste, jónges ‘t- is hie top
V’r zitte mèt zien alle, de tent hie oppe kop

tussenspel

Veer drinke mit zien alle, in-‘t ritme vanne tróm
Det is ’n lekker tempo, zoea vluug de aovendj óm
Gebieëre ech nao nieks, nae op ós dao stuit gèn maot
Waat is un vaetje beer noe? Det mak’-v’r zoea seldaot

Refrein - 2x -

Hie is ’t gezellig, jong hie is get loos
Roop ‘ns op daen ober want veer höbbe dós - ober ober ober ober

Refrein – 2x -