FACEBOOK

header vastelaovend 2015

Danke, Limburg, danke!

Danke, Limburg, danke!
Danke, danke danke,
Danke aan ederein dae ós is kómme felecitere.
Danke ane artieste die dao wore.
Danke aan ederein dae ós haet toegespraoke.
Danke ane artieste die opgetraoje höbbe.
Danke veur ein geweldig fieës det veer in Mofert höbbe ...moge belaeve.
Danke det veer nag eine kieër van oos LVK-wins höbbe kinne genete.
Danke aan ederein dae veer vergaete zeen.

Ron en Harrold

La Bamba - Laef, Limburg laef! - LVK 2013

De titel zaet waarsjienlek al eine houp zoea neet álles euvere inhoud van ’t leedje womit veer dit jaor Limburg haope te verovere.

Veer gaeve de miense in Limburg ein opdrach mit veur ’t sezoen 2012/2013: Laef, Limburg laef!

Oos vastelaovesleedje is volges ós, enne luuj die ‘m al gehuuerdj höbbe, eine mix van hieël väöl versjillendje meziekstiele. Kóm effe mit de keuke in want dan is ’t mesjien ‘t bèste oet te ligke.
Hie is ’t recep:

Pak ein pan en zit ’t vuur op volle poele: GAAS!.
Doog inne pan ‘nne flinke hampel Hollanse fieësmeziek, neet te zuinig. Sjöd dan ein sjeutje Duitse sjlager en Hollanse pop d’rbie en wèrk det aaf mit ein klóddertje Tirol. Toet slot, ómme meziek aaf te make, nag ein flinke porsie Limburgse vastelaovesmeziek drin sjödde. Neet te neij kieke.
Esse god reurs dan höb se eine euverheerlikke mix van meziekstiele inne pan.
Smiet dao eine leuke Limburgse teks bie dae ederein drek kintj mitblaere en dan höb se eigelek gewuuen ein lekker modern Limburgs Vastelaovesleedje.

Laot ’m uch smake en väöl kiek- en loesterplezeer mit oze clip!!!

Klik hiej veur foto's van de "making of...."»

Klik hiej veur de teks van Laef, Limburg laef! »

La Bamba winnaar LVK 2013 !!



Foto's: Ermindo Armino | De Limburger

Montfort wint
Det stóng groeat oppe veurpagina vanne Limburger van aafgeloupe zaoterdig.

Ein veurpagina wo veer, es gewuuen moferter jónges, allein mer van kinne droume mer dae droums is oetgekómme.
Nao twieë TOP 5 plaatse (ein prachtige 2e plaats in 2009 en ein 5e plaats in 2011) is hae d’r dan noe………………de LVK-TITEL. Veer höbben ‘m!!!!!

Veer höbbe ontèlbare sms’jes, meeltjes en berichte op facebook en youtube gekrege en num ’t ós neet kwaolek: Veer kinne ze nag neet ins allemaol laeze (op dit moment!!) gezwiege allemaol beantjwaorde.
Dus bie deze aan ederein: Danke, Limburg danke!

Danke veur alle hertverwermende kaarte, blome, drankpakketjes, sms’jes, meeltjes en alle anger dinger die veer moogdje kriege.

Hiejónger ein paar links wootj geer nag ‘ns lekker van alles kintj genete.

Ron en Harrold

» vriedig: bekèndjmaking oetslaag LVK
» zaoterdig: veurpagina de Limburger
» zaoterdig: L1 tv op hoesbezeuk

» zôndig: Omroep Roerstreek (item LVK start op 48:05 min)
» jònk talent

 


Klik op ònderstaonde artikele om te laeze...

Bron: De Limburger 02.02.2013

Eindstand LVK 2013

1. Laef, Limburg laef! - Montfort (La Bamba) - 78 pt.

2. 33 Daag - Venlo (Bram & Ruud) - 70 pt.

3. De Voicemail - Susteren (Spik en Span) - 57 pt.

4. Allemaol - Sittard (Christel & Paul-Jean) - 53 pt.

5. Vasteloavos Samos - Heerlen (Paul & Leo) - 47 pt.

6. 'n Fluitje van 'ne sent - Limbricht (Kartoesj) - 46 pt.

7. In de Wolke - Panningen (De Breurkes) - 43 pt.

8. Òs Bestaon - Venray (Bjorn & Mieke) - 39 pt.

9. Dao bun ich met gebaore - Haelen (Hoondervel!) - 37 pt.

10. Hange - Venray (De Stappers) - 34 pt.

11. 't Verlange - Weert (Ronald en Carien) - 28 pt.

12. Pappa Mamma - Horst (Thijssen en Co) - 27 pt.

13. Höbs doe ouch zo'ne zin - Sittard (Cyrille Niël) - 26 pt.

14. Ich knap op en aaf! - Hulsberg (De Geliënde) - 22 pt.

15. Murge blief ich Thoes - Neer (Óm in te Lieste) - 20 pt.

16. Eh ?...Lalala - Stramproy (Men in Pek) - 17 pt.

17. Ik bin vastelaovend - Blerick (Roy van den Broek) - 16 pt.

18. Ik bin genne boer - Velden (Boer Jan en zien cowboys) - 14 pt.

19. De Vastelaovesheld - Stein (Wim en Loe) - 6 pt.