FACEBOOK

header vastelaovend 2015

LVK 2018: bedank allemaol!

Bie deze wille veer alle miense bedanke veur ’t stumme op ós inne finale van ’t LVK. 
Veer höbbe weer van ein prachtige LVK-finale moge genete.
Danke det veer d’r weer höbbe moge staon!


Eindstand

1. Spik en Span - Blieve! (67 pnt)
2. Bjorn & Mieke - Droeëme mit de oeëge oop (64 pnt)
3. De Toddezèk - Ach, dân zien we vân de straot aaf !!! (63 pnt)
4. Katja Henz - De tied vaan us leve! (62 pnt)
5. De Kloomp - Maa Maa Maa Maa (59 pnt)
6. Hoondervel - Welteruste Waereldj (50 pnt)
7. Paul & Leo - Is hei 'ne dokter in d'r zaal (44 pnt)
8. Marleen Rutten - Deze Nach! (44 pnt)
9. Don Kiesjot - Is 't 'm noe, of is 't 'm neet? (39 pnt)
10. Sjpringlaevend - Noe of nooit (37 pnt)
11. Kartoesj - De Klaptoesj! (30 pnt)
12. La Bamba - Veer moge weer (daag en nach) (29 pnt)
13. Fiorenza - Drie daag oet de plaat (23 pnt)
14. Óm in te Lieste - 't Lempke van de Keulkas (15 pnt)
15. Prins-road Schaesberg - Inne Sjunne Ruk (15 pnt)
16. Pruuf Már - Òp weg nor maerge (13 pnt)
17. Mark & Wilhelmien - Vastelaovundj Bubbel (11 pnt)
18. De HAP (Haelder Aod Prinse) - Mörge weer (11 pnt)
19. Pim van Wylick - Weej kleure de waereld (3 pnt)
20. Pascal Sutherland - De leukste vrouluuj zitte in de hel (1 pnt) 

 

La Bamba inne LVK finale mit "Ederein"!!!

Logo LVK 2016

 

De 10e LVK finale veur La Bamba.

YES! Opnuuj moge veer d’r weer veur gaon!!!!

EDEREIN bedank dat geer op ós gestump höbt !!

Venray....haaij uch mer vas op 22 jannuari !!!!!

Alle finaliste op volgorde van optraeje:

 

1 Häok mer in Panningen
2 Hie is gein WiFi Sittard
3 Eîn Limburg Weert
4 Tis Vasteloavesweër! Heerlen
5 As vastelaovend neet bestónd Venlo
6 Is dat noe leuk? Meerssen
7 't Sjoonste feeske van 't jaor Sittard
8 Kampioene van de nach Susteren
9 zoa haet 't Bertha bedoeld Geleen
10 Ederein Montfort
11 Met vastenaovend Grubbenvorst
12 De Krach van de Lach Baexem
13 Vastelaovesbuuje Venlo
14 Veer gaon wiejer Valkenburg
15 De meiste sjpas Hulsberg
16 Laef diene druim!!! Hunsel
17 Hier! Venray
18 Vasteloavesblood Heerlen
19 Vastelaovestwinkels! Maastricht
20 Dreij met mich meij! Grubbenvorst

Klik hier om de scoretabel als PDF te downloaden, of hier als Excel-bestand.

Spik en Span winnaar LVK finale

Spik en Span oet Zöstere haet op vriedig 22 januari 2016 mit hun leedje 'Kampioene van de nach' de 40ste editie van het Limburgs Vastelaovesleedjes Konkoer gewònne.

La Bamba wins hun van herte proficiat en nog 'nne fantastiese vastelaovend op de Limburgse podia!

La Bamba wòrt verdeenstelik 5e mit "Ederein"
Veural op 't feit dat 't "volk" massaal op òs stumde zin veer hjèl trots: dat leverde òs 15 punte op!

Veer bedanke ederein dae op òs gestump haet, ederein dae veur en achter de sjerme biegedrage haet aan òs deilname aan 't LVK en 't thoesfront omdet ze zwaväöl geduldj mit òs höbbe...

Hie de komplete oetsjlaag:

1. Kampioene van de nach - Susteren
2. De meiste sjpas - Hulsberg
3. Vasteloavesblood - Heerlen
4. Vastelaovestwinkels! - Maastricht
5. Ederein - Montfort
6. Dreij met mich meij! - Grubbenvorst
7. De krach van de Lach - Baexem
8. Met vastenavond - Grubbenvorst
9. Zoa haet 't Bertha bedoeld - Geleen
10. Vastelaovesbuuje - Venlo
11. As vastelaovend neet bestond - Venlo
12. Lief diene druim!!! - Hunsel
13. Is dat noe leuk? - Meerssen
14. Hier! - Venray
15. Hie is gein WiFi - Sittard
16. 't Sjoonste fees van 't jaor - Sittard
17. Maok mer in - Panningen
18. Ein Limburg - Weert
19. Veer gaan wiejer - Valkenburg
20. Tis Vasteloavesweer! - Heerlen

2016 LVK Einduitslag 1

Klik hie veur pdf einduitslag >

Klik hie veur detail-uitslag halve finale >

Nostalgie!

Veer numme uch nag ‘ns gaer effekes mit trök nao al de LVK-finales van 2003 t/m 2016 wo veer in höbbe moge staon. Clip is in 2016 gemaak gemaak door Tim Cox. Daodoor ónbrik de finale van 2017.

Hinnevel, traone van ’t lache, oh nae, oh waat sjiek, oh waat erreg. Det is eine greep oete reaksies van ós op ’t zeen van dees kompilasie. Veer vónjen ’t geweldig óm det ‘ns achterein te kinne trök kieke.

 

LVK historie

LVK 2015

2015 LVK logo Kerkrade't LVK van dit jaor eindigde helaas al inne halve finale. Ein groeate teleurstèlling want veer dachte det veer mit "Zèk neet det ich neet kin gaon" weer eine topper in hoes hawwe.

Mit ein 10e plaats bie 't volk (sms-e) en ein hieël teleurstèllendje 43e plaats bie de hoofjury zoot ein finaleplaats d'r echter (net) neet in. Det duit pien mer det huuertj helaas bie 't mitdoon aan eine wedstried: U can win u can lose.

Veer zeen stols op dit keileuke leedje. Alaaf!


 

LVK 2014

lvk-2014In 2014 is ‘t LVK door GMV De Plaggenhouwers (GMV) oet Grevors (Grubbevors) georganiseerd en waal op vriedig 14 fibberwarie.

De finale is inne ZON Veilinghallen in Bliërick (Venlo-Blerick) gehaje.

Veer höbbe de Bertha Paulissen Baeker trök gegaeve en mochte, volges tradisie, de LVK-finale äöpene. Nag eine kieër “Laef, Limburg laef!”, es winnaar van ’t LVK van 2013, de hal én Limburg in blaoze.  

Mit ein 22e plaats bie de hoofjury hawwe veer eigelek net gein rech op ein finaleplaats (de 19 bèste) mer dankzij oze fanetieke achterban höbbe veer det toch weer gered. Waat hètj gered?! 

De meiste bónne van allemaol en ein 8e plaats bie de smsjes zorgde d’rveur det veer oppe 2e plaats eindigde bie de totaalstumme van ’t volk inne halve finales. Daobie de puntje vanne hoofjury getèldj zorgde d’rveur det veer oeteindelek es 4e de finale inginge. En in die finale krege veer van ’t volk via de smsjes ouch weer de meiste stumme. 


LVK 2013

Nao 11 deilnames, 10 halve finales, 8 groeate finales, en ónger angere ein viefde en ein twieëde plaats wintj La Bamba 't LVK mit Laef, Limburg laef! 

En bezorg zoea Mofert de allerieëste LVK-wins oeatj.
Veer hove neet oet te ligke wie blie det veer wore. Det haet gans Limburg oppe televies kinne zeen


LVK 2012

 

La Bamba wurt 8e op LVK mit “Waat se hie zuus det zuus se nörges“

 

 


 

LVK 2011

 Mit "Vastelaovendj in Limburg" behaolde La Bamba ein ieërvolle 5e plaats op ’t LVK 2011.

Neet gewonne mer toch ein hieël good geveul euver gehaje aan ’t KepèLVK in Panningen. Profisiat!!!


LVK 2010

Oos LVK inzending veur 2010 woor "Van baove nao ónger" ’n Leedje det ’t geweldig duit bie oos optraejes en wobie spontaan toch ouch weer ’n “dansje” bie is onstange.

Helaas neet good genóg veure finale van ’t LVK mer det probere veer ’t volgendj jaor weer döbbel en diek in te haole. 
Sloet aan inne allergekste polonais die d’r oeatj is gewaes, en hos same mit Ron vanne Deelgaard nao Mofert en mit Harrold weer trök - grapje - des neet vol te haje...veur ós altans. Veer gaon “gewuuen” mit zien alle: Van baove nao ónger! 
Veer winse uch väöl plezeer inne polonais.


LVK 2009

 

Veur 't LVK 2009 höbbe veer oos kaarte gezatj op ‘t leedje "Knaokehel op det vel"
Es se gein noeate kins laeze en doe wils toch gaer bie ’n joekskepel of zate hermenie zeen den kins se ’t bèste gaon trómmele (want die spele zónger pertie).
Mesjien get (té) ónieërbiedig gezag ten opzichte vanne trómmelieërs ónger ós, mer ’t is vastelaovendj en den moog se (mós se!!) es leedjessjriever dien fantezie riekelek laote gaon. Geer witj allemaol wie ‘t is aafgeloupe mit dit leedje: VIZEMEISTER!!!!!!!!!

Mieër video's, foto's, meziek, ringtones etc vintj geer ôngere rubriek MEDIA >

Oetsjlaag LVK 2009



 

LVK 2008

 't LVK-leedje van 2008 "Drök drök drök" geit euver ‘nne échte karnevallis dae euveral bie wiltj zeen, euveral veuraan wiltj staon, mer netuurlik tied te kort kump. Hae reis die daag gans Limburg door op zeuk nao spas en plezeer. Veer waerde zevende inne finale mer waat nag leuker woor is det "Drök drök drök" giganties väöl waerde gedreijtj in ’t limburgse en väöl “geyoutubed”.


 

LVK 2007

Ron en "dae van Roeffe" oet Vinlo höbbe weer twieë leuke leedjes gemaak veur ‘t LVK 2007, wovan de groeate finale zal waere gehaaje op vriedig 2 fibberwarie inne Jo Gerrishal in Remunj en det wuuerd georganiseerd door De Katers oet Neel.

De LVK leedjes veur dit jaor zeen vaerdig en heite: "’t Verkske", det eine échte LVK-mars is en "Laot mer gaon", ‘n leedje mit ‘n get aafwiekender ritme es ‘t tradisjonele, mer wo waal ‘t vastelaovesgeveul vanaaf druip. Laot mer gaon haet ’t toet de halve finale gesjaf. Daonao woor ’t helaas einde oefening veur ós.


  

LVK 2006

 ‘t LVK-leedje van 2006 hètj "De loupende gezèt". Es se gein gezèt höbs den hoos se mer nao de optoch te kieke. Alle dinger waat in ‘t aafgeloupe jaor gebeurt zeen waere den breid oetgemaete.Doe höbs dus eigelik gaaroet gein gezèt nuuedig. Kiek mer nao de optoch (de loupende gezèt), den wit se ‘t weer gans. Dit leedje haet Ron same mèt Wim Roeffen (Vinlo) gesjreve.

Veur de derde kieër dus La Bamba inne LVK-finale die op vriedig 10 fibbrewarie in Stein waerde gehaaje. 4.000 luuj in ‘n boemvol tennishal zorgde weer veur ‘n echte LVK-stumming.
Nao ‘nne geweldige aovendj te höbbe belaef behaolde veer oeteindelik ‘n verdeenstelikke achste plaats. Èllef plaatse hoger es de lèste kieër (2004) dus dao moge veer gerös trots op zeen.

’t Leedje haet toch waal get los gemaak bie väöl luuj, want de LVK-leedjes maakde veer bekans noeatj bie oos optraejes. Mer de loupende gezèt wuuerd door de luuj zellef aangevraog en det is den toch erreg leuk.


 

LVK 2005

Veur ‘t LVK van 2005 hawwe veer drie leedje ingesjik nl. De dörpsgek, ‘t Manderijntje en Wo zeen die hendjes?

De tekste veure leedjes van dit jaor zeen door Ron gesjreve enne meziek door Wim Roeffen,  Johnny Blenco en Ron. De leedjes ‘t Manderijntje en Wo zeen die hendjes? sjreef Ron same mit Wim. En De dörpsgek sjreef Ron same mit de dörpsgek van Mestreech: Johnny Blenco (sorry opa mós ff droet, Groetjes Ron hahahahahaha)

Helaas waerde gein vanne leedjes good genóg bevónje veur ‘n plaetske inne halve finale, terwiel de verwachtinge nao de twieë finaleplaatse van 2003 en 2004 netuurlik hoeag gespanne wore. Jaomer…………kiep on raiting!!!!!!!!!!


 

 LVK 2004

Veur ’t LVK van 2004 waerde door Ron speciaal twieë leedjes gesjreve:

"Laot mich veurbie": Leedje euver ‘nne kaje vastelaovendj, de vastelaovesvierder mót zich good aankleije óm zich taenge dit waer te besjerme.

Den mót d’r nao de wc en mót netuurlik alles oet óm te kinne.……… 

"De vastelaovendj van mien laeve": Belaef alles es of ’t de lèste kieër is, doe wits neet waat d’r morge is. 

Net es in 2003 drong La Bamba ouch in 2004 weer door toet de finale van ’t LVK. Mit ’t leedje "Laot mich veurbie" moogde veer in oos eige Ambt Montfort op ’t Reutje de LVK-finale äöpene.

Helaas is dit neet zo’n leuke plaats óm op te traeje altans es se hoeëg wils eindige, det bleek ouch, veer waerde 17e mer bie ós laef den toch mieër de olimpiese-spele gedachte: Mitdoon is belangrieker es winne!!!!!!

En det is ouch éch zoea huuer. ‘t is gewuuen kikke óm op die buun te moge staon en veur 4000 vastelaovesvierders inne tent en ich gluif 150.000 kiekers heim veure televies te moge optraeje. Gewéldig!!!!!!

De leedjes veur ’t LVK 2005 zeen al klaor dus La Bamba geit weer ‘nne goeaj doon óm in die finale te moge optraeje.


  

LVK 2003

In 2003 haet La Bamba veure allerieërste kieër mitgedaon aan ’t LVK. Op innisjatief van CV D’n Uul van de Grauwert oet Mofert waerde beslaote óm mer ‘ns mit te doon hiejaan.

Drie leedjes van ‘t nuuj album "eFFe anges" waerde opgesjik nao ’t LVK: 

1.    D’r Braotwoosjkeuning 

2.    Iddere gek haet zien gebrek 

3.    Ane kantj mit daen hanjel

"Ane kantj mit daen hanjel" waerde dore zjurie good genóg bevónje veure halve finale.

Door ’t volk van Limburg waerde dit nummer zelfs inne finale gestump. De ieëste keer mitdoon en drek inne finale kómme, waat wils se nag mieër???

Winne netuurlik!!!!!!!!
Mer det lökde “net” neet, Veer behaolde de meis karnavallistiese plaats die ’t mer guuef: Veer waerde èllefde!!!!!!!!!!

Mer mieër nag den ’t behaole van dees èllefde plaats woor ’t genete van deze aovendj, de spanning van te veure, ’t eindeloze wachte bie de radio wie de finaliste bekindj waerde gemaak, de vreugde wie de ieëste klanke van Ane kantj mit daen hanjel door L1 de ether in waerde gesjik, ’t op de buun moge staon veur zoväöl “vastelaovesgekke” enne geweldige sfeer inne artiesteruumte óngerein, samegevat: ’t olimpiese geveul.

Ein dink wiste v’r nao oos optraeje zeker: egaal wie ’t oet geit ’t volgendj jaor duit La Bamba weer mit. ’t LVK laef in Limburg. Det höbbe v’r gemèrk ane reaksies vanne luuj nao de finale-oetzending. Waat ’n leuk leedje, geer deetj ’t good, geer hatj väöl hoger mótte eindige, die dinger huuerde veer van väöl luuj. Na ja die waat vónje det v’r te hoeag wore geëindig zalle waal de móndj höbbe gehaje en mer good ouch, hahahaha!

’t leedje waerde nao de finale ouch door väöl luuj mit gezonge. Den mèrk se weer waat veur ein impek de televies op vandaag haet. Trouwes ’t leedje Iddere gek haet zien gebrek waerde door Sjra Puts zoea leuk gevónje det veer det leedje moogde kómme zinge in zien program ’t Luiperke. Ouch dit woor ’n hieël leuke ervaring, de meneer wo-op Sjra en zien team dit deje is fantasties óm mit te moge make, väöl d(r)ank zeen veer ouch versjölljig aan Nöl, de geweldige ober.

 

LVK 2004
Veur ’t LVK van 2004 waerde door Ron speciaal twieë leedjes gesjreve:

Laot mich veurbie
Leedje euver ‘nne kaje vastelaovendj, de vastelaovesvierder mót zich good aankleije óm zich taenge dit waer te besjerme.
Den mót d’r nao de wc en mót netuurlik alles oet óm te kinne.………

De vastelaovendj van mien laeve
Belaef alles es of ’t de lèste kieër is, doe wits neet waat d’r morge is.

Net es in 2003 drong La Bamba ouch in 2004 weer door toet de finale van ’t LVK.
Mit ’t leedje Laot mich veurbie moogde veer in oos eige Ambt Montfort op ’t Reutje de LVK-finale äöpene.
Helaas is dit neet zo’n leuke plaats óm op te traeje altans es se hoeëg wils eindige, det bleek ouch, veer waerde 17e mer bie ós laef den toch mieër de olimpiese-spele gedachte:
Mitdoon is belangrieker es winne!!!!!!

En det is ouch éch zoea huuer. ‘t is gewuuen kikke óm op die buun te moge staon en veur 4000 vastelaovesvierders inne tent en ich gluif 150.000 kiekers heim veure televies te moge optraeje. Gewéldig!!!!!!
De leedjes veur ’t LVK 2005 zeen al klaor dus La Bamba geit weer ‘nne goeaj doon óm in die finale te moge optraeje.